ശരിക്കും എന്തിനാ തെങ്ങ് വെട്ടാതിരുന്നത് ???
Sunday, October 9, 2011
വാട്ട് ആന്‍ ഐഡിയ !!!
സ്കൂള്‍ കെട്ടിടം പണിതപ്പോള്‍ മതിലിനടുത്ത് നില്‍ക്കുന്ന തെങ്ങ് വെട്ടിയില്ല. തെങ്ങ് വെട്ടാതെ തെങ്ങിന്‍ തടിക്ക് നില്‍ക്കാന്‍ തക്കവണ്ണം ഷേഡില്‍ സ്ഥലം ഇട്ട് കൊടുത്തു. പക്ഷേ മുകളിലത്തെ നിലപണിതപ്പോള്‍ പണി പാളി. കെട്ടിടത്തിനകത്തൂടെ ഏതായാലും തെങ്ങിനെ കയറ്റാന്‍ പറ്റില്ലല്ലോ????
ശരിക്കും എന്തിനാ തെങ്ങ് വെട്ടാതിരുന്നത് ???
ശരിക്കും എന്തിനാ തെങ്ങ് വെട്ടാതിരുന്നത് ???
Sunday, September 4, 2011
Sunday, July 10, 2011
Sunday, June 26, 2011
ആരോഗ്യ കേരളം സുന്ദര കേരളം
കഴിഞ്ഞ ആഴ്ചയ്ക്ക് മുന്നത്തെ ആഴ്ച വീട്ടില്‍ ചെന്ന് കഴിഞ്ഞിട്ട് മുറ്റത്തൂടൊക്കെ വെറുതെ നടന്നപ്പോള്‍ , മൂന്നാലു പൊട്ടിയ കുപ്പി ഗ്ലാസുകള്‍ കളയാനായി വെച്ചിരുന്നത് കമഴ്ത്തി വെച്ചിരിക്കൂന്നത് കണ്ടു. ഇതാരേ അമ്മേ ഗ്ലാസ് കമഴത്തി വെച്ചിരിക്കുന്നതെന്ന് ചോദിച്ചപ്പോള്‍ അമ്മയുടെ മറുപിടി.
“പഞ്ചായത്തീലെ ഹെല്‍ത്തീന്ന് ആളുവന്നായിരുന്നടാ. മഴക്കാലത്ത് രോഗങ്ങളൊന്നും വരാതിരിക്കാനും കൊതുകൊന്നും വളരാതിരിക്കാനും ഇന്നത് ഇന്നത് ചെയ്യണമെന്ന് പറഞ്ഞിട്ടവരു പോയി. അവരാ ഗ്ലാസ് എടുത്ത് കമഴ്ത്തി വെച്ചത്”
“എന്തെല്ലാം ചെയ്യണമെന്നാ അമ്മേ അവരു പറഞ്ഞത്?”
“കറ എടുത്തിട്ട് ചിരട്ട കമഴത്തി വെക്കണം. പറമ്പിലെ കാടൊക്കെ വെട്ടിക്കളയണം. ചിരട്ടയൊന്നും മുറ്റത്ത് ഇടരുത്.... ഇനി അവരു വന്നു നോക്കുമ്പോള്‍ കൊതുകിന് വളരാന്‍ എന്തെങ്കിലും സാഹചര്യം ഉണ്ടാക്കി കൊടുത്താല്‍ പഞ്ചായത്തില്‍ വിളിപ്പിക്കുമെന്ന് പറഞ്ഞു”
അമ്മ ഇറങ്ങി പറമ്പ് തെളിച്ചു. ഇനി നമ്മളായിട്ട് കൊതുകിനെ വളര്‍ത്തി രോഗം പടര്‍ത്തി ജനങ്ങളുടെആരോഗ്യം നശിപ്പിച്ചു എന്നാരും പറയരുതല്ലോ
************************************************************
താഴത്തെ ഫോട്ടോകള്‍ ഇനി കാണൂ.
കോഴിക്കടയിലെ അവശിഷ്ടം ആണ് ആ കിടക്കുന്നത്. പാലാരിവട്ടം - കാക്കനാട് വഴിയിലെ ഒരു സ്ഥലത്ത് നിന്നുള്ള ചിത്രമാണത്. കഴിഞ്ഞ തിങ്കളാഴ്ച(20-6) മുതല്‍ ഈ മാലിന്യം അവിടെ കിടക്കുകയാണ്. [ഈ പടം എടുത്തത് 26-6,ശനി]. രണ്ട് ദിവസം മൂക്കു പൊത്താതെ ഈ വഴി നടക്കാന്‍ പറ്റില്ലായിരുന്നു. ഈ സ്ഥലങ്ങളി ഉള്ളവര്‍ മാലിന്യം നിക്ഷേപിക്കുന്നത് ഇവിടെ തന്നെയാണ്. ആ കൂട്ടത്തില്‍ ആരോ കൊണ്ടു വന്ന് തള്ളിയതാണ് കോഴിക്കടയിലെ മാലിന്യം. മെയിന്‍ റോഡിന്റെ സൈഡിലുള്ള മാലിന്യങ്ങളെല്ലാം ശുചീകരണാ തൊഴിലാളികള്‍ കൊണ്ടു പോകുമെങ്കിലും ഇടവഴിയിലേക്ക് നീങ്ങി കിടക്കുന്ന മാലിന്യം അവര്‍ കണ്ടതായി നടിക്കാറില്ല.(ഈ മാലിന്യം കൊണ്ട് ഇടുന്നവന്‍ ഇടവ്ഴിയിലേക്ക് മാലിന്യം ഇടാതിരുന്നാലും മതിയായിരുന്നു). ഇടവ്ഴിയിലേക്ക് കിടന്ന കോഴിയുടെ അവശിഷ്ടങ്ങള്‍ ഒരാഴ്ചയായി മഴയൊക്കേ കൊണ്ട് അളിഞ്ഞ് കുറെ ഇല്ലാതായി. ഇല്ലാതായി എന്നു പറഞ്ഞാല്‍ വെള്ളത്തിലൂടെ അങ്ങ് ഒലിച്ചു പോയി എന്ന്. രണ്ടു ദിവസത്തിനുമുമ്പ് ആരോ ഇവിടൊക്കേ കുമ്മായം വിതറിയിരിക്കുന്നത് കണ്ടു.(രോഗാണുക്കളേ നശിപ്പിക്കാനായിരിക്കും). ഏതായാലും അടുത്ത മഴയില്‍ കുമ്മായം കലങ്ങി എവിടയോ പോയി. ഇനി ആ അവശിഷ്ടങ്ങള്‍ മണ്ണോട് ചേരുന്നതുവരെ അവിടെ തന്നെ കാണുമായിരിക്കും..
Sunday, May 29, 2011
മതിലേ നീ വീഴരുതേ.......
ഇത് പത്തനംതിട്ട ജില്ലാ ആശുപത്രിയുടെ മതിലാണ്. ഇടിഞ്ഞ് വീഴാറായ മതില്‍ താങ്ങി നിര്‍ത്തിയിരിക്കുന്നത് ഊരിയെടുത്ത ഒരു കൈവരി പൈപ്പിലാണ്. കഴിഞ്ഞ ആഴ്ച ഞാന്‍ കാണുമ്പോള്‍ ഇപ്പോള്‍ താഴെ കിടക്കുന്ന പൈപ്പും ഈ മതിലിന് തങ്ങായി നിര്‍ത്തിയിട്ടുണ്ടായിരുന്നു.
കൈവരിക്കിപ്പുറം ആണ് ഓട്ടോ സ്റ്റാന്‍ഡ്. ഭാഗ്യത്തിന് അധികം ആളുകളൊന്നും ഈ നടപ്പാതയിലൂടെ നടക്കാറില്ല. ഇനി വരുന്ന കാലവര്‍ഷത്തിന് മതില്‍ ഇടിഞ്ഞു വീഴില്ല എന്നൊന്നും പറയാന്‍ പറ്റില്ല...
ജില്ലാ ആസ്ഥാനത്തുള്ള ആശുപത്രി ആണങ്കിലും ജില്ല ആശുപത്രി എന്നുള്ള പരിഗണന ഒന്നും ആരോഗ്യവകുപ്പ് ഇതിനു നല്‍കുന്നുണ്ടോ എന്ന് സംശയം ആണ്. ഈ മതില്‍ ഇടിഞ്ഞ് ആരുടെ എങ്കിലും മേല്‍ വീഴുന്നതുവരെ ഇതിനെ ഇങ്ങനെ താങ്ങി നിര്‍ത്തുമായിരിക്കും.... പത്തനംതിട്ട ജില്ലയില്‍ നിന്നുള്ള ആരോഗ്യവകുപ്പ് മന്ത്രി ഈ ആശുപത്രിക്ക് അര്‍ഹിക്കുന്ന പരിഗണന നല്‍കുമോ??
Saturday, May 28, 2011
ടൈല്‍ പാകിയ നടപ്പാതകള്‍ !!!!!!
കഴിഞ്ഞ ദിവസം പത്രത്തില്‍ ഒരു വാര്‍ത്ത കണ്ടിരുന്നു, എറണാകുളം സൌത്ത് ഓവര്‍ ബ്രിഡ്ജിലെ നടപ്പാതകളില്‍ ടൈലിട്ട് മനോഹരമാക്കുന്നു എന്ന് പറഞ്ഞ്. ആ വാര്‍ത്ത വായിച്ചപ്പോള്‍ കുറെ നാളുകള്‍ക്ക് മുമ്പ് സമാനമായ മറ്റൊരു വാര്‍ത്ത വന്നത് ഓര്‍ത്ത്. എറണാകുളം നോര്‍ത്ത് റയില്‍‌വേ‌സ്റ്റേഷന്‍ റോഡിലെ നടപ്പാതകളില്‍ ടൈലിട്ട് മനോഹരമാക്കിയ വാര്‍ത്ത ആണ് മനസിലേക്ക് വന്നത്. ലക്ഷക്കണക്കിന് രൂപ മുടക്കിയായിരിക്കും ഈ നടപ്പാതകളില്‍ ടൈല്‍ പാകിയത്. നമ്മുടെ നാട്ടില്‍ നടപ്പാതകള്‍ എന്ന് പറയുന്നത് റോഡ് സൈഡിലെ കാനകള്‍ക്ക് മുകളിലുള്ള സ്ലാബുകളെ ആണല്ലോ???
നോര്‍ത്തിലെ(എറണാകുളം) വഴികളിലെ നടപ്പാതകളില്‍ ടൈല്‍ പാകാന്‍ കാശ് മുടക്കിയവര്‍ ഈ നടപ്പാതകളുടെ ഇപ്പോഴത്തെ അവസ്ഥ എന്താണന്ന് നോക്കിയിട്ടുണ്ടാവുമോ? ദേ.. ഇതാണ് ഇപ്പോഴത്തെ അവസ്ഥ!!! നോര്‍ത്ത് ഓവര്‍ ബ്രിഡ്ജിന്റെ കീഴില്‍ നിന്ന് റയില്‍‌വേ സ്റ്റേഷനിലേക്കുള്ള റോഡിലെ വലതുവശത്തെ ടൈല്‍ പാകിയ നടപ്പാതകളുടെ ഇപ്പോഴത്തെ അവസ്ഥയാണ് താഴെ ഉള്ളത്.
ഇളകിപ്പോയ ടൈലുകള്‍...
വാരി ഇട്ടിരിക്കുന്ന മണ്ണും മെറ്റിലും....
ഇത്തരം ടൈല്‍ പാകലുകള്‍ കൊണ്ട് ആര്‍ക്കാണ് നേട്ടം.....???
ഈ നടപ്പാതകളിലൂടെ ആളുകള്‍ എങ്ങനെ നടക്കും....
ജനങ്ങളുടെ നികുതി പണം എങ്ങനേയും ചിലവഴിക്കാം എന്നല്ലേ ഇത്തരം ടൈല്‍ പാകല്‍ പദ്ധതികളില്‍ നിന്ന് നമ്മള്‍ മനസിലാക്കേണ്ടത് !!!!
Thursday, May 26, 2011
ഓട വാരിക്കുഴി
ലക്ഷകണക്കിന് രൂപ ചിലവാക്കിയാണ് കാനകള്‍ക്ക് സ്ലാബ് ഇടുന്നത്. ഈ സ്ലാബ് പൊട്ടി ഓടയ്കകത്ത് വീണാലും അധികാരികള്‍ ആരും ഇത് ശ്രദ്ധിക്കാറില്ല. സ്ലാബിന്റെ മുകളില്‍ കൂടി നടക്കുന്നവര്‍ (ഓടപ്പുറത്തെ സ്ലാബുകള്‍ ആണല്ലോ നമ്മുടെ നാട്ടിലെ നടപ്പാതകള്‍ ) സ്ലാബ് ഇല്ലാത്തിടത്ത് വേണമെങ്കില്‍ മാറിപ്പോകണം. അല്ലങ്കില്‍ ഓടയില്‍ വീണോളണം.
എറണാകുളത്തെ ഒരു ദൃശ്യമാണ് മുകളില്‍ . മാതൃഭൂമി ജ്മഗഷനില്‍ നിന്ന് ദെശാഭിമാനിയിലേക്ക് പോകുമ്പോള്‍ വലതുവശത്ത് ഈ കാഴ്ച കാണാം. പൊട്ടിപ്പോയ സ്ലാബുകള്‍ക്കിടയിലൂടെ കല്‍നടക്കാര്‍ ആരും ഓടയിലേക്ക് പോകാതിരിക്കാന്‍ ആരോ ഒരു ടയര്‍ എടുത്ത് വെച്ചിട്ടുണ്ട് അവിടെ.... അത്രയും നല്ലത് ...
ജൂണ്‍ 1 : ഹര്‍ത്താല്‍ - കൂടുന്നോ???
Tuesday, May 24, 2011
ചില്ലക്ഷരം ഇല്ലാത്ത ഒരു പരസ്യം
Friday, May 20, 2011
ആംബുലന്‍സ് അത്യാസന നിലയില്‍ !!!!
Thursday, May 19, 2011
ആഴ്ചയില്‍ ഒരു പണിമുടക്കായിരിക്കണം ലക്ഷ്യം
Monday, May 16, 2011
Saturday, May 14, 2011
അമ്മ
ഈ അമ്മയെപോലുള്ളവരെയാണ് പൂജിക്കെണ്ടത്....
ഈ അമ്മയെപോലുള്ളവരെയാണ് പ്രണമീക്കെണ്ടത്...
ഈ അമ്മയ്ക്ക് എന്റെ പ്രണാമം...
(ഈ റിപ്പോര്‍ട്ട് വായിക്കുമ്പോള്‍ അറിയാതെ കണ്ണുകള്‍ നിറയുന്നു
Wednesday, May 11, 2011
ബക്കറ്റ് പിരിവല്ല.. അപകട മുന്നറിയിപ്പാ
Monday, May 2, 2011
കോടതി വിധിയും മൂലക്കുരുവും
Friday, April 29, 2011
Thursday, April 28, 2011
ചന്ദ്രക്കല പോയ ഒരു പരസ്യം
ഇത് എറണാകുളം നോര്‍ത്ത് റെയില്‍‌വേ സ്റ്റേഷനിലെ ഒരു പരസ്യ ബോര്‍ഡാണ്. 9 എഡീഷനുകളുമായ് ഒന്നാമത് എന്നായിരുന്നു വേണ്ടിയിരുന്നത് .. പക്ഷേ ബോര്‍ഡ് പ്രിന്റ് ചെയ്തപ്പോള്‍ ചന്ദ്രക്കല വിട്ടു പോയി. വീണ്ടും പ്രിന്റ് ചെയ്യുന്നതിന്റെ കാശ് ഓര്‍ത്താവണം ചന്ദ്രക്കല ഇല്ലാത്ത ബോര്‍ഡ് വെച്ചിരിക്കുന്നത്..
---------------------------------------------------------
യ, ത എന്നിവയുടെ മണ്ടായ്ക്കെ ചുവന്ന വട്ടം ഞാന്‍ ഇട്ടതാണ്‍
Sunday, April 10, 2011
Subscribe to:
Posts (Atom)